பைத்தியத்திற்கு ஒரு வீடிருந்தது துரத்தி விட்டார்கள். சாத்தப்பட்ட கடைகளின் வாசற்படிகள் இருந்தன. விரட்டிவிட்டார்கள். பைத்தியத்திற்கு ஒரு புளியமரத்தின் கருணை இருந்தது. அதை வெட்டிவிட்டார்கள். அதற்கு ஒரு இடிந்த பள்ளிக்கூடத்தின் இடியாத பகுதியிருந்தது. அதை முற்றாக இடித்து விட்டார்கள். பைத்தியத்திற்கு ஒரு பிள்ளையார் கோவில் மேடை இருந்தது. அவர்க்கு சதுர்த்தி வந்தது. பைத்தியத்திற்கு வெட்டவெளி இருந்தது. இப்படி மழை வந்து விசுறுகிறது. பெட்டிக்கடைகாரர்களிடம் கம்பும் டீக்கடைக்காரர்களிடம் வெந்நீரும் இருக்கின்றன. ஆனாலும் என்ன, பைத்தியத்திற்கு அதன் பைத்தியமிருக்கிறது.