Skip to main content

QUOTE - களின் காலம்


           




1.
      “ எதை நீ  கொண்டு வந்தாய், அதை நீ இழப்பதற்கு..."
 என்கிற கோட்டின் வழியே
 கடவுள் தன் சிம்மாசனத்தை உறுதி செய்து ஜம்மென்று   அமர்ந்துவிட்டார்.
 

 2.

       தேவனால் கூடாததும், அவன் வாக்கினால் கூடும்.


3.
    கன்னியாகுமரியின் சமுத்திர சத்தத்திற்கு மத்தியில்
  எவ்வளவு கம்பீரமாக நிற்கிறது
  ஒரு கோட் !

4.
    வையத்துள் வாழ்வாங்கு வாழ்கிறான் வால்டேர்
    ஒரு கோட்டாக.



5
        கோட்களின் காலம்  முடிந்து விடக்கூடாது என்பதற்காக 
       நிகழ்த்தப்பட்ட  திருவிளையாடல்தான்
       பேப்பர்பாய்  ஜனாதிபதியான படலம்
      

6
      வெறுங்கை என்பது மூடத்தனம் ; விரல்கள் பத்தும்   மூலதனம்
    என்கிற கோட்டிலிருந்து
    பிறந்து வந்தவைதான் இந்த நகரத்திலிருக்கும்
    அத்தனை பேக்கரிகளும்.

7.
     
     எரிபொருள் இல்லாமலும் ஆட்டோக்கள் ஓடும் ;
     ஆனால் கோட்களின்றி ஓடாது
      என்பான் புத்திசாலி.
  
  8.
 
     இல்லத்து அரசியரே!
     உங்கள் மனாளனின் அடிவயிற்றில்
     ஓங்கி ஒரு உதை விட
    பொன்னான வாய்ப்பு....
     பதிவிறக்கம் செய்வீர்
    " share chat "


9.
    நட்பிலிருந்து காதலுக்கு அழைக்க
    100 கோட்கள் தேவைப்படுகின்றன.
    காதலிலிருந்து கட்டிலுக்கு  நகர்த்தவோ
   ஆயிரம் வரை  செலவழிக்க வேண்டியிருக்கிறது
  என்று அலுத்துக் கொள்கிறான் 
  ஒரு தத்துவாசிரியன்.


 10.
        
  உன்  800 பக்க நாவலில் 
  அந்த இரண்டு வரிக் கோட்டை நீக்கி விடச்             சொன்னால்
 ஏன் பதறியடித்து ஓடுகிறாய் தஸ்தேவ்யஸ்கி ?



11.
     கோட்களை கேலி செய்து நீ எழுதிய கோட்தான்
     இன்று
    கோட்களுக்கெல்லாம் மேலான  கோட்டாக
    கோலோச்சிக்  கொண்டிருப்பதை
    அறிவாயா நாகராஜா?

12.
    பிடித்துத் தொங்க  கோட்களேதும் மிச்சமில்லை
   என்றான பிறகுதான்
   ஒருவன் தூக்குக் கயிற்றில் தொங்கி         விடுவதென்ற   தீர்மானத்திற்கு வருகிறான்.

13.
   எனதருமை கோட்களே !
   நீங்கள் கடவுளரைப் போலன்றி  ஓரவஞ்சனை செய்யாதிருங்கள் !


            நன்றி : காலச்சுவடு- செம்டம்பர்-18
  
 

Comments

nikkisa889 said…
Can I just say what a aid to seek out someone who really is aware of what theyre talking about on the internet. You definitely know find out how to bring a difficulty to light and make it important. More folks need to learn this and understand this facet of the story. I cant imagine youre not more common because you positively have the gift. gsn casino slots

Popular posts from this blog

மலைக்கு அப்புறம் என்ன?

என் ஊருக்குப் பின்னே  ஒரு மலை இருக்கிறது. வாழ்வின் அர்த்தம் தேடிக் கிளம்புபவர்கள் இந்த மலை மீது ஏறுவது வழக்கம் சில ஊழிகள்தான் கடந்திருக்கின்றன அதற்குள் அவ்வளவு அவசரம்  வாழ்வைக் கண்டு பிடிக்க  இப்படிக்   கிளம்புபவர்கள் பொதுவாக திரும்பி வருவதில்லை கண்டார்களா என்பதற்கும் பதில் இல்லை  அடிவாரத்தில்  ஓர்  ஆட்டிடையன்   இருக்கிறான்  எவ்வளவோ பார்த்துவிட்டான் இது போல் அவனுக்குத் தெரியும் வாழ்வின் அர்த்தம்  ஆடென.

               நன்றி : உயிர்மை : ஆகஸ்ட் - 18

தேனொடு மீன் – குகன்சரிதம்

   இராமனாகிய தேனும், குகனாகிய மீனும் ஒருவரையொருவர் கண்டு , களிப்பெய்தி, கண்ணீர் பெருக்கி, ஒருவருள் ஒருவர் புக்கு, பிரிந்தும் பிரியா நின்றதைப் பேச விழைகிறது இக்கட்டுரை. இராமயணத்தை வாசிக்க இராம பக்தி அவசியமில்லை.பொதுவுடமைச் சித்தாதங்களில் இறுதி வரை உறுதிப் பிடிப்போடு இருந்த தோழர் ஜீவா கம்பனை விடவில்லை. இராமயணத்தின் வற்றாத இலக்கிய வளங்களை அவர் புறக்கணிக்கவில்லை.உடல் முழுக்க திருநீறு பூசி, கைகளில் சப்ளாக் கட்டைகளைக் கொடுத்து, அவர் இராமபஜனை செய்வதாக தி.மு.கழகத்தார் கேலிச்சித்திரம் தீட்டிய போதும் அவர் பின்வாங்கவில்லை. நாமும் பின்வாங்க வேண்டியடிதில்லை.“அறிஞர் காதற்கு அமை விருந்துதான்“ அவன். இராமன் பெயரால் நிகழும் குருதிப் பெருக்கிற்கும் அவனுக்கும் தொடர்பில்லை.அவன் கைகளில் இருப்பது அநீதிகளுக்கெதிரான கோதண்டமே என்றும், அது பர சமயத்து கர்ப்பிணி பெண்களின் வயிற்றில் இறங்கும் பிச்சுவா அல்ல என்றும் நம்புவது, தேவையற்ற மனத்தடைகளிலிருந்து நம்மை விலக்கி வைக்கும். தவிரவும் இராமகாதை வெறுமனே இராமகாதை மட்டுமல்ல.இந்தக் கட்டுரையின் நாயகனும் குகன்தான். இராமன் குகனை பெருமை செய்யும் ஒரு துணை மட்டுமே.

   கம்பனில் …