அவர்கள்
நடக்கிறார்கள் நடக்கிறார்கள் நடக்கிறார்கள் வீடு நோக்கியா நடக்கிறார்கள்? எங்கேனும் நடந்தாக வேண்டும் எனவே அவர்கள் நடக்கிறார்கள் நடக்கிறார்கள் நடக்கிறார்கள் யாரை ஓங்கி உதைப்பது என்றவர்க்குத் தெரியவில்லை எனவே அவர்கள் நடக்கிறார்கள் நடக்கிறார்கள் நடக்கிறார்கள் “பாளம் பாளமாக வெடித்துவிட்ட பாதங்கள்” இப்போது இது வெறும் உவமையல்ல அவர்கள் நடக்கிறார்கள் நடக்கிறார்கள் நடக்கிறார்கள் அவர்கள் பைகளை எடுத்துத் தோளில் மாட்டிய போது மிரண்டு போயின தெய்வங்கள் அவர்கள் நடக்கிறார்கள் நடக்கிறார்கள் நடக்கிறார்கள் மனித சாத்தியத்தை விரிவாக்கும் முயற்சியில் பறக்கக்கூடச் செய்வார்கள் அவர்கள் நடக்கிறார்கள் நடக்கிறார்கள் நடக்கிறார்கள் பிறந்தது எங்கோ? தின்றது எங்கோ? எரிவது எங்கானால் என்ன? அவர்கள் நடக்கிறார்கள் நடக்கிறார்கள் நடக்கிறார்கள் அகண்ட பாரதம் ஒரு சந்துக்குள் ஓடியொளிய அவர்கள் நடக்கிறார்கள் நடக்கிறார்கள் நடக்கிறார்கள் அவர்கள் நடக்கிறார்கள் நடக்கிறார்கள் நடக்கிறார்கள் கணியனின் மீதேறி நடக்கிறார்கள்.
நன்றி: ஆனந்தவிகடன்
|
என் ஊருக்குப் பின்னே ஒரு மலை இருக்கிறது. வாழ்வின் அர்த்தம் தேடிக் கிளம்புபவர்கள் இந்த மலை மீது ஏறுவது வழக்கம் சில ஊழிகள்தான் கடந்திருக்கின்றன அதற்குள் அவ்வளவு அவசரம் வாழ்வைக் கண்டு பிடிக்க இப்படிக் கிளம்புபவர்கள் பொதுவாக திரும்பி வருவதில்லை கண்டார்களா என்பதற்கும் பதில் இல்லை அடிவாரத்தில் ஓர் ஆட்டிடையன் இருக்கிறான் எவ்வளவோ பார்த்துவிட்டான் இது போல் அவனுக்குத் தெரியும் வாழ்வின் அர்த்தம் ஆடென. நன்றி : உயிர்மை : ஆகஸ்ட் - 18
Comments