சிரிப்பு லாரி

  

ஐவர் கைமாற்றி கைமாற்றி சுமையேற்றிக் கொண்டிருந்தனர். பெருமூச்சுக்களும், முனகல்களும் வரிசைகட்டி லாரியில் ஏற்றப்படுகின்றன. முகங்கள் கல்லென இறுகி உடல்கள் வியர்த்து அழுதன. இடையில் ஒருவன் தடுமாறி விழப்போனான். நண்பர்கள் அவனைக் கேலி பேசிச் சிரித்தனர். விழப்போனவனும் சேர்ந்து சிரிக்க இப்போது  அங்கே தோன்றிவிட்டது ஒரு விளையாட்டு. பிறகு அவர்கள் கைமாற்றி கைமாற்றி விளையாடத் துவங்கிவிட்டார்கள். அந்த லாரியில் பாதிக்கு மேல் சிரிப்புப் பெட்டிகள்.