Skip to main content

பிறந்தநாள் பெண்

 



அவள் புத்தாடை அணிந்திருக்கிறாள்.


புத்தாடை கொண்டு வந்து சேர்க்காத புதிதால்

வீதியை இன்புறுத்தியபடியே

மெல்ல மெல்ல நடந்து செல்கிறாள்


சிவா என்கிற ஒருவன்

மிகச் சரியாக

12; 01 - க்கு

 மறக்காமல்

வாழ்த்திவிட்டதாக 

பேசிக்கொண்டு போகிறாள்


நீராடிய கேசத்தை

"யாவும் செழிக்கட்டும்" என்பது போல படரவிட்டிருக்கிறாள்.


இரவு கொட்டிய மழையால்

 வீதிக்கு வந்துவிட்ட சாக்கடை நீருள்

குளிர்ந்த ஆற்றில் மெல்ல இறங்குவது போல

 அடி  எடுத்து வைக்கிறாள்


வேறு வழியேயின்றி

கொஞ்சமாய்

 இறைத்துவிட்ட சேற்று நீருக்காய்

ஓட்டுநர் அவளிடம் வருத்தம் சொல்கிறார்

"படவேயில்லை..." என்று

சொல்லிவிட்டு நடக்கிறாள்


இன்று

இனிப்பைப் பிட்டு 

அவள் எல்லோருக்கும் ஊட்டுவாள்

எல்லோரும்

இனிப்பைப் பிட்டு

அவளுக்கு ஊட்டுவார்கள்.


அவள் ஒரு மக்குப் பெண்ணாக இருக்கலாம்

ஆனாலும்

ஆசிரியரால் இன்று அவளை 

 வசைபாட இயலாது.


இன்று அவளது பிறந்தநாள்.

இன்றுஅவளை 

யாரும் எதுவும் செய்துவிட முடியாது.


Comments

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791