Skip to main content

மானிடர்


அவசரத்தில் இருக்கும் இளம் பெண்

ஸ்கூட்டியை விட்டு இறங்காமலேயே

மாகாளியம்மனின் வாசலில் 

காலூன்றிப்  பிரார்த்தித்துக் கொண்டிருக்கிறாள்.


ஒரு அவசரமுமின்றி

ஆடி அசைந்து 

வெளிவரும்  ஒரு மூதாட்டி

தன் கைக்குழியை ஒற்றி எடுத்து 

பூசி விடுகிறாள் 

அவளுக்கு.


பிசிறை 

கண் மறைத்து

ஊதியும் விட்டாள்


அந்த ஊதலில் வந்த இசை

தூரத்தில் இருந்த 

ஒருவனுக்குத்  தெளிவாகக் கேட்டது.


யாரோ யாருக்கோ

தீற்றி விடும் திருநீரில்

யாரோ ஒருவனின் 

ஏதோ ஒன்று குணமடைகிறது


தன் கை ஒன்றுமில்லாத

இந்தக் காரியத்தைக்  காணும் தேவியின் வதனத்தில்

ஒரு பூரித்த புன்னகை.


Comments

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791