நம்மை ஒன்று பார்த்துக் கொண்டிருக்கிறது

 

எங்கோ கண்காணாத இடத்தில் இருப்பாய் என்று எண்ணிக் கொண்டிருந்தேன். இவ்வளவு பக்கத்தில் இருப்பதை இப்போதுதான் அறிகிறேன். கொஞ்சம் ஓங்கி அழைத்தால் திரும்பிப் பார்க்கும் தொலைவில் நின்று கொண்டிருக்கிறாய். கடவுள் உன்னை நல்லபடியாக வைத்திருக்கிறாரா? பழைய நண்பர்களை அழைக்க பழைய குதூகலத்தின் குரல் வேண்டும் நீ மெல்ல நகர்கிறாய். அதே நடைதான் அதில் மாற்றமில்லை வளைவில் திரும்பி மறைகையில் ஒருமுறை என்னைப் பார்த்தாய். என்னை எனில் என் திசையை.