காமம் வதைக்காத உயிர் எது? எவ்வளவு லட்சியங்களை, எவ்வளவு உன்னதங்களை காவு கொள்ளும் காளி அது? எத்தனை மகத்துவங்கள் அதன் முன் வாலைச்சுருட்டி கொண்டு மூலையில் அமர்ந்திருப்பதை நாம் பார்த்துவிட்டோம். சங்கக்கவித் திரட்டு முழுக்கவும் தலைவியரைப் பசலை படாத பாடு படுத்தியுள்ளது. பரணர் பசலைக்கு கிணற்றுப் பாசியை உவமை சொல்கிறார். ஊரார் உண்ணத் தொடும் போது அது விலகி நிற்கிறது. மறுகணமே திரண்டுவிடுகிறது. அது போல் தலைவன் தொடுந்தோறும் தொடுந்தோறும் விலகி , விடுந்தோறும் விடுந்தோறும் பாய்கிறதாம் பசலை. ஒரு புலி போலவா? ஆம்...
கபிலர் கவித்துவத்திரட்டின் அடுத்த கட்டுரை இன்றைய அகழ் மின்னிதழில் வெளியாகியுள்ளது. முழுவதும் வாசிப்பதற்கான இணைப்பு கீழே உள்ளது.
நன்றி அகழ்!
Comments
சில கருத்துக்கல் துளிர் விட செய்த சிந்தனைகள், கல்லைக் கண்டால் நாயகனைக் காணோம், நாயகனைக் கண்டால் கல்லைக் காணோம். நாம் எந்த கண்ணோட்டத்தில் படிக்கிறோம் என்பது தாக்கத்தை ஏற்படுத்தும் என்பது உண்மை தான் போல.
"காதல்" வயதாகி இறந்தே போகும் என்று நம்பிய பல மனிதர்கள் இல்லாமல் போனதை பார்த்துதான் இருக்கிறது இந்த லோகம்.
ஒருவன் ஒருத்தியை விரும்புவது, அவள் அவனயே விரும்புவது அரிது இந்த ஆச்சிரியம் போதாதுன்னு திருமணத்தில் முடிகிறது. இது பேரானந்தம் இல்லையா?
இது இடியாப்ப சிக்கலை விட பெரிய சிக்கல் ஏதும் இல்லை என்பது உலகம் அறிந்த விஷயம். அதனால் தானோ மிகவும் எளிமையாக சொல்லியிருக்கிறார் கபிலர். அவருக்கு தெரியாதா ? அவர் தான் ஞானி ஆயிற்றே!!! ஒரு சிறு செய்கையை அழகாக வர்ணிப்பதும் , பிரம்மாண்டமான விஷயத்தை மிக எளிமையாக சொல்லுவதும் கவிஞனின் ஆற்றல் என்பதை மறுபரிசீலனை செய்யாமல் ஏற்றுக்கொள்வது ஒரு ஞானம் என்றே சொல்கிறது மெய்ஞானம்.
ஒப்புக்கொள்ளத்தான் வேண்டும் தமிழும் அதன் அழகும் கொஞ்சமும் குறைந்தது இல்லை!!! Google translate, Bing translate காலாவதியானதையும்
இப்போ chat GPT, perplexity AI யை தமிழும் இலக்கியமும் நின்று பார்த்து ரசித்துக்கொண்டே தான் இருக்கிறது.
திரு.இசைக்கு வாழ்த்துக்கள். ஔவையார் என்று சொன்னால் சுந்தராம்பாள் எப்படி ஞாபகத்துக்கு வராங்களோ, அதே போல் ஐயன், ஔவையார் , கபிலர், கம்பன் என்று சொன்னால் மிக சிறந்த கவிஞனின் வரிசையில் திரு இசை இடம்பிடித்து இருக்கிறார் என்பதில் ஒரு அணு அளவும் சந்தேகம் இல்லை . திரு இசையின் பயணம் இன்னும் பல முக்கிய கவிஞரின் நல்ல சிந்தனைகளை எளிய முறையில் இந்த காலத்துக்கு ஏற்றார் போல எழுத வாழ்த்துக்கள் சொல்லி நிறைவு அடைகிறேன்