Skip to main content

இன்னொருவன் சொல்கிறான்...


அதிகாலை நடை உடம்புக்கு நல்லது.
அது கொழுப்பை குறைத்து
இதய நோய்கள் நம்மை அண்டாமல் காக்கிறது.
சர்க்கரை அளவை பராமரிக்கிறது.
இளங்காற்றை சுவாசிக்கத் தருகிறது.
கரும்பச்சை மரங்கள் காண அழகு.
புள்ளொலி கேட்டு புதுமலர் பார்க்கலாம்
தூணிலும் துரும்பிலும் இருக்கிறாரோ என்னவோ
கடவுள்
மிருதங்கத்தில் இருக்கவே செய்கிறார்.
அள்ளி முடியாத வனிதையர் கோலம்
அது திருக்கோலம்.

இன்னொருவன் சொல்கிறான்....

"அதிகாலையிலேயே
வீட்டை விட்டு ஓடிப்போவதற்குத் தான்
வாக்கிங் போவதென்று பெயர்".

Comments

ஒற்றை, சரள வாசிப்பிலேயே கவர்ந்துவிட்ட கவிதை.

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791