Skip to main content

பிசகு


          
      

 அப்பா தியாகி
 அம்மா சாமீ
 கணவனும் மனைவியும் உடனொருபாகம்
 தங்கை நறுமணத்தி
 அண்ணன் துப்பாக்கி குண்டிற்கு குறுக்கே விழுபவன்
  குழந்தைகள் தெய்வப் பிரஸாதம்
 தாத்தா உழைப்பால் உயர்ந்த உத்தமர்
 பாட்டி உத்தமரின் உறுதுணை
 மாமா மாமருந்து
 சித்தி குளிர்தரு
 ஆனாலும்
 வீட்டை நெருங்குகையில் மூக்கைப் பிடித்துக் கொள்ளவேண்டும்.
 அங்கு ஏதேனும் ஒன்று அழுகி
 எப்போதும் ஒரு கெட்ட நாற்றம் வீசுகிறது.



Comments

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791