Skip to main content

அமுதென்றும் நஞ்சென்றும் ஒன்று !



      

கடைக்கண்ணால் நோக்கி
நகைக்கூட்டம் செய்யத் துவங்கிவிட்டோம்
நாசூக்கு கூடி வருகிறது இருவரிடமும்
அந்தப்  பாம்புக்குட்டியை நான் பார்த்துவிட்டேன்
அது தன் பிளவுண்ட செந்நாவை
வெளியே நீட்டி
“காதல்..” “ காதல்..” என்கிறது
இதை இப்படியே விடுதல் ஆகாது
எனவே
நேராகச் சென்று
“ இந்த வீக் எண்ட்ல ஜாலியா மகாபலிபுரம் போலாமா...”
என்று கேட்டு வைத்தேன்.
”செருப்பு பிஞ்சுடும்..” என்றாள்
 ஒரே ஒரு செருப்படியோடு போனது
 இப்போது
 அவரவர் அவரவர் செருப்பை அணிந்து கொண்டு
 அவரவர் சோலிகளைப் பார்க்கிறோம்.


                      (  தலைப்பின்பம் நாஞ்சில்நாடனுடையது )
                                 

Comments

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791