Skip to main content

உருப்படியான காரியம்

       
                                 















உருப்படியான காரியம் எதையும்
செய்யத் துணிந்த உடனே
என்னைச் சூழ்ந்து கொள்கிறது
கொசுக் கூட்டம் 

போர்ன் சைட்களில் திரியும் போதோ
வீண் அரட்டைகளில் திளைக்கும்  போதோ
அவை அப்படி மொணமொணப்பதில்லை

உருப்படியான காரியமொன்றை
செய்யத் துவங்கிய மறுகணத்தில்
எங்கிருந்து கிளம்பி வருகின்றன
இத்தனை படைகள்?

ஜன்னல்களைச் சாத்தி
மின்விசிறியை வேகமாக்கி
கொசுவிரட்டிகளை ஓட விட்டு
மிச்ச மீதிகளை மின்சார மட்டையால்
கொன்றொழித்துத் தீர்த்த  பிறகு
நானே ஆயிரம் கொசுக்களாகி
என்னையே குதறிக் கொள்வேன்

எனக்கும் உருப்படியான காரியத்திற்குமான உறவை
இவ்வளவு விந்தையான விதத்தில்
ஏன் வடித்தீர் ஆண்டவரே?



Comments

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791