Skip to main content

திருவிளையாட்டு


                          





சிக்னல் பொழுதில்
கருப்புக் கண்ணாடிக்கு அப்புறம்
மங்கலான தோற்றத்தில்  
அவ்வளவு ஆதூரமாய்
கையாட்டிச் சிரிக்கிறது ஒரு குழந்தை.

கண்ணாடிக்கு அப்புறம்
மங்கலான தோற்றத்தில்
அற்புதங்கள்
கையாட்டிச் சிரிப்பதுவோ  மொத்த வாழ்வும்?

அடீ... அன்னை !
கண்ணாடிகளைக் கீழிறக்கு
இல்லையெனில்
உன் பிள்ளைகளை அடக்கு   

   
         நன்றி : உயிர்மை : நவம்பர்- 18

Comments

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791