Skip to main content

நீயேதான்


                        


நீ என்னை
ஒரு  கணம் நிறுத்தினாய்
நெஞ்சை நீவித் தந்து
ஒரு குவளை நீர் தந்தாய்
எத்தனை தூரத்திலிருந்து ஓடிவருகிறேனென்று
எவ்வளவு பற்களிடையிருந்து  தப்பி வருகிறேனென்று
நீதான்
என்னைக் கண்டமாத்திரத்தில் கண்டு கொண்டாய்.                                                             
                                                               

Comments

வ. அதியமான் said…
மயிலின் விரிதோகையாய்
தன்னைத்தான்
கொண்டாடிக்கொள்கிறதா என்ன
உமது கவிதைகள்?
இன்றைய வைகறையை
பொன்னாக்கியதில்
இக்கவிதையும் ஒன்று

தீரா அன்புடன்
வ. அதியமான்

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791