Skip to main content

ஊட்டு!


நெஞ்சே!
இனிய கற்பனைகளை நிறுத்தாதே.
நீ பார்த்துத் தீராத 
உன் சமாதிகளில்
ஏதேனும் ஒன்றில்
மல்லாந்து படுத்தபடியே
அடுத்த கற்பனையைக் கட்டு
பலூனில் காற்றை ஊதுவது போல்
உன் நெஞ்சில் 
வாய் வைத்து ஊது.
"மனிதன் அப்பத்தால் மட்டுமே வாழ்ந்து விடுவதில்லை"
அவனால் 
வானத்தில் பறக்காமல் பூமியில் நடக்க இயலாது.
பாட்டி வடை சுடுவதை நிறுத்திவிட்டால்
நிலவு வெடித்துவிடும்
ஊட்டு!
அன்னை ஊட்டுவது போல்
உனக்கு நீயே
உருட்டு உருட்டி ஊட்டு!

Comments

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791