Skip to main content

கூழின் சரிதம்

 



நேற்று
இரயில் முன் பாய்ந்து கூழாகிப் போனவனுக்கு
எண்ணற்ற நண்பர்கள்
நாலைந்து காதல்கள்
அத்தனை தோள்கள்
அத்தனை மடிகள்

அவனது ரயில் 
எப்போது கிளம்பியதென
உறுதியாகச் சொல்ல இயலவில்லை.

அது நெருங்க நெருங்க
ஒவ்வொரு தோளாக மாயத்தில் மறைந்தன.
ஒவ்வொரு மடியாக
விலகிப்போயின.

ஆழிசூழ் உலகு
அவனும் இரயிலுமாக
அவ்வளவு
சுருங்கிவிட்டது 

அவன்
அந்த இரயிலை
எதிர்நோக்கி நின்றிருக்கிறான்.
அனந்தகோடி  தோள்களும்
அனந்தகோடி மடிகளும் கொண்ட அது
அதோ
அவனை நெருங்கிவிட்டது.

Comments

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791