Skip to main content

கொஞ்சம் குண்டுப் பெண்

   



கொஞ்சம் குண்டுப்பெண்

ஆனாலும்

எம்பி எம்பிக் குதித்துக் கொண்டிருந்தாள்


ஒரு முறை  மலரைத் தொட முடிந்தது

அப்போதும்

பறித்து வரக் கூடவில்லை.


அவள் விடாது எம்பிக் கொண்டிருந்ததில்

அந்த நிகழ்ச்சிக்கு ஆங்காங்கே

பார்வையாளர்கள் தோன்றி விட்டார்கள்.


அவளா?

மலரா?

என்பதில்

அவர்கள் ஆவல் கூர்ந்து விட்டனர்


ஒரு தருணம் வந்தது


முழங்காலில் கையூன்றி

அவள் மூச்சிரைக்கும் தருணம்


நிமிர்ந்து நின்றவள்

மலரை அண்ணாந்து 

ஒரு சிரிசிரித்தாள்.


பிறகு

தன் வழியே நடக்கத் துவங்கிவிட்டாள்.


தோல்வி என்று சொல்லி விட முடியாத சிரிப்பே!


இப்படித்தான் 

இத்தனை பேரையும் ஏமாற்றுவாயா?


Comments

Thendral said…
காட்சியை காட்சிப்படுத்த முடிகிறது... மிக அருமை!!!

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791