Skip to main content

அநாதைக்கவிதைகள்





  1  தூங்கிக்கொண்டிருக்கும் சொற்களை
     நடுச்சாமத்தில்
    தலையால் முட்டிமுட்டி எழுப்புபவர்கள் ஆனந்தன்கள்

 2.   இன்று வந்திருப்பது அநாதைநிலா
     இது அநாதையொளியை
     நிலமெங்கும் தளும்பவிடுகிறது.

3.  விரிசடை நுனியில்
     அசைந்தாடும் நீர்ச்சொட்டு
    உன்னை
    மேலும் அநாதையாக்குகிறதா ஆனந்தா

 4.  கிணற்றுக்கு பயந்து
     முட்டைபரோட்டாவிற்குள் குதிப்பது
    ஆனந்தனின் வழக்கம்


  5   போவதற்கு வேறுஇடங்கள் இருப்பவர்கள்
     எவ்வளவு எளிதாக
     “ குட்பை “ சொல்கிறார்கள்
     பார்த்தாயா ஆனந்தா


6 “ எங்க போறதுன்னு தெரியலயே”
   என்கிற சினிமா வசனத்திற்கு
   கைகொட்டிச் சிரித்தவன் தானே நீ
   இன்று
   அதையே சொல்லி அழு.

                     நன்றி : காலச்சுவடு மே -2013

Comments

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791