Skip to main content

அற்றைத்திங்கள் அவ்வெண்ணிலவு





அவள் அழைத்த அப்பொழுது
ரயில்படிக்கட்டில் அமர்ந்திருந்தேன்.
வானத்தில் பூர்ணிமை பொங்கி வழிந்து கொண்டிருந்தது.
அப்பொழுது அதனுடன் மட்டுமே பேசத்தோன்றியது
ஆகவே ஃபோனை எடுக்கவில்லை.
திரும்பவும் வந்த அழைப்பை
வேறு உலகத்திலிருந்து வந்து விழும் கல் போல் உணர்ந்தேன்.
எனவே அதை துண்டித்துவிட்டேன்.

இன்னொரு நாள் அழைக்கையில் அலுவலகத்தில்
பழைய ஃபைலொன்றை தேடிக்கொண்டிருந்தேன்.
அவளை விடவும்
அப்படியொன்றும் முக்கியமான ஃபைலில்லை தான்.
ஆனாலும் எடுக்கவில்லை.


மூன்றாவது முறையாக அழைத்த போது
இரண்டு காரணங்களை சொல்ல வேண்டியிருந்ததால்
எடுக்கவில்லை.


நான்காவது முறைக்கு 3 காரணங்களையும்
ஐந்தாவது முறைக்கு 4 காரணங்களையும்
கண்டறிய வேண்டியிருந்தது.

அடுத்தடுத்த அழைப்புகளில்
பிரியம் பூதமென்றாகிவிட்டது.

விட்டுவிடவே கூடாத அன்புதான்
ஆனாலும் விட்டுவிட்டேன்.

எல்லாம் அந்த “ பூர்ணிமா” வை சொல்ல வேண்டும்!

                           நன்றி : ஆனந்த விகடன்

Comments

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791