ஒரே நாளில் ஒன்பது முறைகூட சொதப்பலாம்.
ஆயினும் அன்பே,
"இச்"சுக் கொட்டாதே
எவ்வளவு பெரிய பிரம்மாண்டத்தின் முன்
எவ்வளவு சின்ன " இச்"சைக் கொட்டுகிறாய் நீ
மேலும்,
நமது "இச்" சுக்கள்
சேர்ந்து சேர்ந்தன்றோ
ஊதிப் பெருக்கிறது
அந்தப் பிரம்மாண்டம்.
இ ன்று அதிகாலையில் ஒரு தத்துவத்தை அனுப்பியிருந்தாய் பிறகு அரை மணி நேரம் கழித்து ஏனோ நீ அதை அழித்தும் விட்டிருந்தாய் அந்த உண்மை உண்மைதான் அது எனக்குப் பிடித்தே இருந்தது. அதை அவ்வளவு உறுதியாக அழித்துவிட்டதன் மூலம் நீ இன்னொரு உண்மையைச் சொல்கிறாய் அதுகூட உண்மையாகத்தான் இருக்க வேண்டும் ஒரு உண்மையிலிருந்து இன்னொரு உண்மைக்குப் போக 30 மணித்துளிகள் போதும் என்கிற உண்மை இருக்கிறதே உள்ளதிலேயே முக்கியமான உண்மை அதுதான் தம்பி
Comments