Skip to main content

அலுவலகத்தில் ஒரு பிரச்சனை

 



திடீரென

சலிப்பு படரத் துவங்குகையில்


கசப்பு நெஞ்சைக் கொரிக்கத் துவங்குகையில்


நான்

யாரையாவது

"வெல்லக்கட்டி" என்று விளிப்பேன்.


காதல் இல்லை..

காமம் இல்லை..

கொஞ்சலும் இல்லை..


அது ஒரு அழைப்பு


இன்னொருவரைக் கூட இல்லை


தண்டவாளத்தில் நடக்கத் துவங்கும் என்னை

திரும்ப அழைக்கும் அழைப்பது


சென்ற வாரத்தில்

" வெல்லக்கட்டியை" எதிர் கொண்டவள்

திருமணத்திற்குக் காத்திருக்கும்

ஓர் இளநங்கை.


அவள் அழுது கொண்டே போய் 

அவள் அப்பாவை அழைத்து வந்துவிட்டாள்.


அவர் ஓய்வு பெற்ற ஒரு ராணுவ வீரர்.


கொஞ்சம் ரத்தம்

நிறைய அவமானம்


அதன்பிறகு கவனமாக இருக்கிறேன்.


"ஸ்டெயின் லெஸ் ஸ்டீல் ட்ரேலி"க்கு அப்பா இல்லை.

அவர் ராணுவத்திலும் இல்லை.


Comments

பாதுகாப்பான முடிவு.

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791