தோழர் !

         

கடவுள் எனக்குச் செய்யும்

ஒரே ஒரு உருப்படியான காரியம்
அதிகாலையிலேயே என்னை எழுப்பி விட்டு விடுவதுதான்
இளமிருளில் கொஞ்சமாய்த் திரியும் மனிதர்கள்
ஒருவரோடொருவர் பரிவோடிருக்கிறார்கள்
ஒருவரையொருவர் அன்பு செய்ய முயல்கிறார்கள்
என்னைத் தூரத்தில் கண்டதுமே
சர்க்கரை குறைவான, ஆற்றாத தேநீர் ஒன்றை
தயாரிக்கத் துவங்கி விடுகிறார்
கூன் விழுந்த அந்த டீ மாஸ்டர்
நான் வரும் முன்பே
என் வழக்கமான டேபிளில்
டீ வந்து அமர்ந்திருக்கும்.
அதை ஒரு பூச்செண்டு
என்று உணர்ந்த கொண்ட நாளில்
அவருக்கே கேட்காதபடி
கண்ணீரை மறைத்துக் கொண்டு
அவரைத் " தோழர்! " என்றழைத்தேன்.