Skip to main content

சு.ரா வின் மந்திரம்

  




மோனைகளின் மயக்கம் ஏதுமில்லை


ஒரு எதுகையும் இல்லை


அதன் சந்தமாவது

நம் நெஞ்சத்து ஏக்கம்


அதில் லயம் கொள்வது

குருட்டு நம்பிக்கைகளின்  இதம்


மந்திரம் போல் இல்லாததொரு மந்திரம் அது


ஆயினும் 

மிக உறுதியாக மந்திரம்


நம் கைவசம் உள்ள கடைசி மந்திரம்


மந்திரங்களுக்கு ஆற்றல் உண்டு


மந்திரங்களில் மாயம் உண்டு.


நண்பா,

உன் ஒரு கையை நெஞ்சில் வைத்துக் கொள்ள வேண்டுமா?

வைத்துக் கொள்!


அழுகை பீறிட்டு வருகிறதா?

அதை அடக்க முனையாதே! 


நாம் ஒரே குரலில்

சேர்ந்து சொல்வோம்...


எல்லோரும்...

எல்லோரும்...


சற்று...

சற்று...


நிம்மதியாக....

நிம்மதியாக....


வாழும்...

வாழும்...


காலம் ஒன்று வரும்.

காலம் ஒன்று வரும்.


Comments

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791