Skip to main content

தருண தாவரம்

 



மெயின் பாடகி 

ஏற்கனவே களைத்திருந்தாள்.

மேலும்

அவளுக்கு 

தான் யார் என்பது

நன்றாகவே தெரியும்.


பாடலினின் உச்சகட்டத் திருவிழா 

கோரஸின் பொறுப்பில் இருந்தது.


மொத்த அரங்கமும்

எழுந்து பறக்கும் தறுவாயில்

களைப்பை   எறிந்து 

மெயினை மறந்து

அவ்வளவு அனிச்சையாக

வந்து கூடினாள் அவள்.


மெயின்

கோரஸில் கலக்கும்

கழிமுகத்துச் செழிப்பில்

தழைத்து வளர்ந்தது

இந்தக் கவிதை.


காற்றில் 

அசைகின்றன பார்

இதன் சொற்கள்.


Comments

Anonymous said…
Beautiful sir

Popular posts from this blog

சுமார்

எ னக்கே தெரியும் , 'இசைக்கலைஞர்களை இசை பார்த்துக் கொள்ளும் ' என்பது ஒரு உணர்ச்சிகரமான உண்மைதான் ஆயினும் நேற்றொரு கிட்டார் கலைஞனிடம்  பேச்சுக் கொடுத்தேன் என் தோளில் கையூன்றி  இதழ்கடை விரித்தார்... "சுமாரா பாத்துக்கும் பாஸ்"

வாய்ஸ் மெசேஜ் பாவங்கள்

தூ ராதி தூரம் சென்றுவிட்டாய் நீ உன் குரல்களோ  என்னிடமே தங்கிவிட்டன. காலம்  பேச்சைப் பாட்டாக்க வல்லது அடீ ... !  அந்தப் பாடல்களை இனி கேட்கவே முடியாது. உபயோக்கிக்கவும் முடியாத தூக்கியெறியவும் முடியாத பொருட்களின் துருவோடு துருவானது நம் நேசம் லேசாக அழுத்திப் பிடித்தால் போதும் எல்லாவற்றையும்  அழித்து விடலாம் என்கிறது  நவயுகம்.  அவ்வளவு பலத்திற்கு நானெங்கு போவேனென மறுகி நிற்கிறது ஒரு பழைய உயிர்

‘இதயம் முரளி'யரின் காலாதிகாலம்

கபிலர் கவித்துவத்திரட்டின் அடுத்த கட்டுரை இன்று வெளியாகியுள்ளது. ‘இதயம் முரளி'யரின் காலாதிகாலம்  வாசிப்பதற்கான இணைப்பு  https://akazhonline.com/?p=13791