13/12/2022 காலை வேளையில் பூமலூர் ஊராட்சியின் சாலை வழியே பயணித்துக் கொண்டிருக்கிறார்கள் ஒரு தம்பதி. அவள் வலக்கையில் செல்போனுக்கிடையே இடுக்கியிருந்த ஒற்றை ரூபாய் நாணயம் தவறி விழுகிறது. பதற ஒன்றுமில்லை வாகனத்தை நிறுத்தவில்லை ஒரு முறை திரும்பிப் பார்த்து விட்டு பழைய நிலைக்கு போய் விடுகிறாள். கொஞ்சம் சிரித்த மாதிரியும் இருந்தது. கண்ணெதிரே 50 வருடம் நழுவி விழுகிறது என் காதில். |
என் ஊருக்குப் பின்னே ஒரு மலை இருக்கிறது. வாழ்வின் அர்த்தம் தேடிக் கிளம்புபவர்கள் இந்த மலை மீது ஏறுவது வழக்கம் சில ஊழிகள்தான் கடந்திருக்கின்றன அதற்குள் அவ்வளவு அவசரம் வாழ்வைக் கண்டு பிடிக்க இப்படிக் கிளம்புபவர்கள் பொதுவாக திரும்பி வருவதில்லை கண்டார்களா என்பதற்கும் பதில் இல்லை அடிவாரத்தில் ஓர் ஆட்டிடையன் இருக்கிறான் எவ்வளவோ பார்த்துவிட்டான் இது போல் அவனுக்குத் தெரியும் வாழ்வின் அர்த்தம் ஆடென. நன்றி : உயிர்மை : ஆகஸ்ட் - 18
Comments