வாழ்கையை நகர்த்துவது....

சாமீ,

இது துள்ளவே துள்ளாதா

வானத்திற்கும் பூமிக்குமாய் வேண்டாமப்பா
ஒரு தவளையைப் போலவேனும் துள்ளாதா?

ஓடாதா,

ஒரு ஓட்டை சைக்கிள் போலவேனும்?

தின்று தின்று பெருத்துவிட்டதா
கொஞ்சம் வேகமாகக் கூட நடக்காதா ?

வாழ்கையைப் பற்றி பேசுகையில்
“ நகர்கிறது “  என்று முதன்முதலாய் சொன்ன

அந்த வித்யாபதியைக்  காண விரும்புகிறேன்

எனது நான்கு கவிதைத்தொகுப்புகள்,
இரு கட்டுரை தொகுதிகள்,
இரண்டு தடித்த நாவல்கள்
யாவற்றையும் உமது காலடியில் வைத்து
தெண்டனிடுகிறேன் ஐயா !