பாடகனற்ற பாடகன்

         

      

       பாடகனற்ற   பாடகனுக்கு 

     " பாடகன் " என்கிற இரும்புக் குண்டால் 
      மூச்சிரைப்பதில்லை.

       சபையில்லை  ;  செவிகளுமில்லை.

       பாடுதலே  கரகோஷம் என்பதால்

       எதற்கும் ஏங்கி அழிய வேண்டியதில்லை.

       தன்னைத் தானே அணைத்துக் கொள்ளும் ஜாலத்தில் தேர்ந்த பிறகு

       அச்சமில்லை ; அழுகையுமில்லை.

       பாடகனற்ற பாடகனின் பாத்ரூமில்

       ஒரு நெளிந்து வளைந்த சில்வர் பக்கெட் ...

       ஆயினும், அதனுள்ளே செழுமலைச் சுனைநீர்.

     அவன் ஹெல்மெட்டுக்குள் தால் அன்றி வேறு ஒன்றுமேயில்லை.