உன்னை விடவும்

 

உன்னை விடவும் உன் உடல் கருணை மிக்கது. அருள் பூண்டது. உன்னைவிடவும்  உன் உடல் இதயப்பூர்வமானது. பொய்யுரைக்க நாணுவது. உன்னைவிடவும் அது கவித்துவமானது. நறுமணம் கமழ்வது. உன்னைவிடவும் அது இதமானது. பளிங்கு போன்றது. உன்னைவிடவும் அது அகந்தை அழிந்தது. அழகு பூத்து  உறங்குவது. உன்னைவிடவும் அது ஊழலில் குறைந்தது. தில்லுமுல்லுகளில் விருப்பமற்றது உன்னைப்போன்று  கணக்குகளில் சமத்தன்று அது எளிதாக ஏமாறுவது உன்னைப் போன்று ஊர்வதன்று அது பறப்பது. உன்னை விடவும் உன் உடல் கருணை மிக்கது. அருள் பூண்டது. மேலும் கண்ணீரைக் காணச் சகியாதது. நீ மட்டும் அடிக்கடி அதன் காதைப் பிடித்துத் திருகாதிரு! மீதியை அதனிடம் நான் பேசிக் கொள்கிறேன்.