கிடைமட்டத்தின் லொட்டு லொசுக்குகள்

உச்சியில் பறந்து கொண்டிருக்கிறது பறவை முழுக்க அண்ணாந்தால் மட்டுமே காணமுடிகிற உச்சியில் முழுக்க அண்ணாந்துகையில்  கிடைமட்டம்  மாயமாகிறது அதன் அத்தனை அத்தனைகளோடும் அணைந்தும் அணையாத  அந்தி வெளிச்சத்தில் வானத்திற்கு கீழே  பறந்து கொண்டிருக்கிறது பறவை வானத்திற்கு கீழே மிதந்து கொண்டிருக்கிறது பறவை வானத்திற்கு கீழே  வட்டமடித்துக்  கொண்டிருக்கிறது பறவை வானத்துடன் விளையாடத் துவங்கிவிட்டது அந்தப்  பறவை.