தீக்குள் வைத்த விரல்கள்

“விலை மதிப்பற்றது” என்கிற குறிப்போடு போட்டோவில்  ஒரு பொருளை அனுப்பிருந்தாய் அதனோடே சேர்ந்து வந்து விட்டது உன் சுண்டு விரல் பிறகு அப்பொருள் ஒரு சின்ன விலைக்குள் அடங்கிவிட்டது “ஆகச் சிறந்த கவிதை”  என்று  ஒன்றை அது போன்றே அனுப்பி வைத்தாய் இன்னும்  நான் அதை வாசிக்கவில்லை. மகத்தான ஒன்று மகத்தான இன்னொன்றை குறிப்பிட்டுக் காட்டுவதில்  என்னவோ  சிக்கல் இருக்குதடி? சில விரல்கள் நிலவைச் சுட்ட  உகந்தவையல்ல பிறகு மொத்த நிலவும் காணாமல் போய்விடுகிறது.