முத்தம் என்பது வளர்ந்து கொண்டிருப்பது

ஒரு முத்தம்  பிறக்கிறது வளர்கிறது வளர்ந்து கொண்டே இருப்பது எதுவோ அதுவே முத்தம் ஒரு முத்தம்  நினைத்துக் கொள்ளும் போது இரட்டிப்பாகிறது முத்தமிட்டுக் கொண்டவர்கள் துடைத்தெறியப் படுகிறார்கள் முத்தம் இன்னும் அங்கேயே அப்படியே மின்னிக் கொண்டிருக்கிறது. பிறந்ததனைத்தும் அழிகின்றன முத்தங்களைத் தவிர தித்திக்காத ஒன்று  முத்தமாவதில்லை ஒரு போதும்  நாம் முத்தமிட்டுக் கொண்டிருக்கிறோம் ஊழி  தூங்கிக் கொண்டிருக்கிறது ஆணைப்  பெண்ணும் பெண்ணை ஆணும் மாறி மாறி கடித்துக் கொள்ளும் சம்பவத்திற்கு வேறு பெயர் சூட்டலாமே?