Tuesday, June 18, 2013

கிறுக்கு


  




மார்கழிப்பனியில்
காதடைத்த பஞ்சோடு
அதிகாலை ஐந்துமணிக்கெல்லாம்
மைதானங்களில் ஓடிக்கொண்டிருப்பவர்களுக்கு
ஃபிட்னஸ் கிறுக்கு பிடித்திருக்கிறது

அதே சிற்றஞ் சிறுகாலையில்
மதுவிடுதியின் கதவுகளை ஓங்கி ஓங்கி தட்டுகிறான் ஒருவன்
அவனைத் தான் நாம் குடிக்கிறுக்கென்கிறோம்

உருளைக்கிழங்கு போண்டாவை மணமுடித்து
அதனூடே 72 ஆண்டுகள் வாழ்ந்து மறைந்ததொரு கிறுக்கு

 சிங்கத்தின் வாயில் தலையைத் தந்துவிட்டு
 கர்த்தரை நோக்கி கூவுகிறதொரு கிறுக்கு

 பெண்கிறுக்கில் பலநூறு உட்கிறுக்குகள்
சாரதி வைத்து தேரோட்டிய அதே தெருவில்
இன்று நெஞ்சைப்பிடித்த படி பஸ்ஸிற்கு ஓடுகிறார்
கல்யாணசுந்தரம்
அவருக்கு கார்குழல் துவங்கி கால்நகம் முடியவும் கிறுக்கான கிறுக்கு

இசைக்கிறுக்கில்
வகைக்கொரு கிறுக்கு..
வாத்தியத்திற்கொரு கிறுக்கு..

கிறுக்குகள் தம் கிறுக்குத்தனத்தின் அச்சில்
ஜம்மென்று அமர்ந்திருக்க
அதிலொரு கிறுக்கு
நேற்று உத்தரத்தில் தொற்றி விண்ணுலகு போனதேன்?
போகும் முன் தன் ப்யானோவை நூறு சுக்காக்கியதேன்?

3 comments:

பெருந்திணைக்காரன் said...

கிறுக்கா

பெருந்திணைக்காரன் said...

கிறுக்கா

Chellappa Yagyaswamy said...

சுவையான கவிதை. ‘ஞானக் கிறுக்கு’ என்ற வார்த்தை நினைவுக்கு வருகிறது. –நியூஜெர்சியிலிருந்து கவிஞர் இராய.செல்லப்பா.