Tuesday, May 10, 2016

அமுதென்றும் நஞ்சென்றும் ஒன்று !



      

கடைக்கண்ணால் நோக்கி
நகைக்கூட்டம் செய்யத் துவங்கிவிட்டோம்
நாசூக்கு கூடி வருகிறது இருவரிடமும்
அந்தப்  பாம்புக்குட்டியை நான் பார்த்துவிட்டேன்
அது தன் பிளவுண்ட செந்நாவை
வெளியே நீட்டி
“காதல்..” “ காதல்..என்கிறது
இதை இப்படியே விடுதல் ஆகாது
எனவே
நேராகச் சென்று
“ இந்த வீக் எண்ட்ல ஜாலியா மகாபலிபுரம் போலாமா...
என்று கேட்டு வைத்தேன்.
செருப்பு பிஞ்சுடும்.. என்றாள்
 ஒரே ஒரு செருப்படியோடு போனது
 இப்போது
 அவரவர் அவரவர் செருப்பை அணிந்து கொண்டு
 அவரவர் சோலிகளைப் பார்க்கிறோம்.


                      (  தலைப்பின்பம் நாஞ்சில்நாடனுடையது )
                                 

No comments: