Thursday, May 26, 2016

இருளி


      





உள்கதவைத் தாழிட்டாலே
உலகம் மறைந்து விடும்
அவளுக்கு 
வெளிக்கதவையும் அடைக்கவேண்டும்
வாசற்கதவையும் சாத்த வேண்டும்
ஜன்னல் வழியே உள்நுழையும் கள்ள ஒளிக்கீற்றை 
ஒரு முறை முறைப்பாள்
அது வந்த வழியே ஓடி விடும்
 புழுக்கத்தின் இன்பத்துள் வாழ்கிறாள் அவள்
கழுத்து வடவடப்பை
நாவை வீசி அவள் நக்கித் துடைத்ததை
ஒரு முறை ஒளிந்திருந்து பார்த்தேன்.



No comments: