Monday, February 9, 2015

அவரும் நானும்




இந்தாருங்கள், ஓர் உன்னதம் என்று
என்னிடம் அவர் நீட்டிக்காட்ட
நானதை நுணுகிப்பார்த்து
 “யுரேகா.. யுரேகா… “ என்று
 வெற்றிக்களிப்பில்  கூச்சிலிட்டேன்.

அங்கே பாருங்கள், ஓர் உன்னதம் என்று
அவரெனக்கு  சுட்டிக்காட்ட
நானதை கூர்ந்து நோக்கி
யுரேகா.. யுரேகா… “ என்று
மகிழ்ச்சியில் கெக்கலித்தேன்.

வேறெங்கும் போக வேண்டாம்..
உங்கள் பக்கத்தில் பாருங்கள், ஓர் அதிஉன்னதம்
என்றவர் முகஞ் சிவந்து சீறி வர
யுரேகா.. யுரேகா… “
 என்று நான்  
 பொறுமையாய் முணுமுணுத்தேன்.

ஐயா,
ஓட்டை இல்லாததென்று வையத்தில் ஏதுமில்லை
சரிதான் விடுங்கள் என்றார்.

உன்னதங்களைக் கட்டிக்கொண்டு அவரழுவதென்றும்
ஓட்டைகளைக் கட்டிக்கொண்டு நானழுவதென்றும்
சமரசம் கண்டது சர்ச்சை.

                   நன்றி: காலச்சுவடு - பிப்ரவரி-2015





No comments: